زراعة الكزبرة الكراهية حبة البركة الشمر

زراعة الكزبرة ، الكراوية ، حبة البركة ، الشمر
--------------------------------------------------------------------------
الارض المناسبة :ينفع تتزرع في كل أنواع الاراضي بس لازم تكون جيدة الصرف والتهوية
التقاوي ازرع في الارض المستديمة اختار سلالات جيدة ، خالية من الحشائش ، متغربلة كويس
خليك شاطر واوعي تنسي تعاملها بمبيد فطري ....
الفدان ياخد قد ايه  تقاوي
٦ كجم كزبرة ، شمر ، كراوية
٤ كجم حبة بركة
تقولي هزرع جديد هجهز ارضي ازاي؟؟
تستخدم سماد بلدي متحلل ١٥ : ٢٠ م٣ للفدان
٣٠٠ كجم فوسفات الكالسيوم الأحادية
اوعي تنسي معاهم ٥٠ كجم كبريت زراعي
احرث الارض مرتين متعامدتين خطط ١٢ خط ف القصبتين.
ازرع امتي؟؟؟
في الموسم الشتوي وانسب زراعة من نص سبتمبر لآخر اكتوبر
الترقيع : تقدر ترقع الجور الغائبة من نفس التقاوي اللي زرعت منها
متنساش تحتفظ بشوية تقاوي معاك
هجيب كام محصول من الفدان الواحد:
كزبرة وشمر ١٢٠٠ كجم /ف
كرواية ١٠٠٠ كجم/ف
حبة البركة ٤٠٠ كجم /ف
في أعداء هيقابلوك ....
أعفان الجذور استخدم ريزو أن أو بلانت جارد ٤ ملي للكيلو جرام بذرة
عفن الاسكليروتنيا اي نبات مصاب اقلعه واحرقه برة الأرض قبل ما تروي
لفحة النورانيه عند بؤر الإصابة رش دايثين م ٤٥ بمعدل ٢٥٠ جم / ١٠٠ لتر ماء
البياض الدقيقي رش تلات رشات كبريت ميكروني ٢٥٠ جم / ١٠٠ لتر ماء تلات رشات كل ٨ ايام رشة
او المركب الحيوي AQ  ١٠ إكيوتين ٦٠ جم / ١٠٠ لتر ماء رش تلات رشات كل ١٠ ايام مرة
الذبول الفيوزاريومي  التوبسين M  أو الريزوليكس أو الفيتافاكس ٣ جم / لتر ماء
طيب والافات الحشرية :
خلي بالك دايما من العزيق ومكافحة الحشائش
بلاش  إسراف في التسميد الازوتي الزائد  علشان الحشرات الثاقبة الماصة
هات مصائد صفراء ٣٠ مصيدة صفراء لاصقة لجذب الحشرات المجنحة وتخفف
( التربس ، المن ) بيوفلاي ١٠٠ سم / ١٠٠ لتر ماء او زيت معدني خفيف kz  أو اثريولوجي ٩٠ 0/0  ٢ لتر / ١٠٠ لتر ماء
الإصابة بالديدان في المجموع الخضري في البادرات استخدم دايبل ٢ بمعدل ٢٠٠ جم /ف
او ايكوتيك بيو ٣٠٠ جم /ف ( رشتين كل اسبوع مرة )والعنكبوت الاحمر سوريل ميكروني سمارك ٧٠ ٠/٠
او كبريت ميكروني ٢٥٠ جم / ١٠٠ لتر ماء
- الشمر والكراوية تزرع وجه قبلي
- الكزبرة وجه بحري و وجه قبلي
- حبة البركة وجه قبلي و وجه بحري خارج الدلتا